வணங்கான் படத்தில் அருண் விஜய்யின் கதாபாத்திரம் பற்றி வெளியான தகவல்!
பாலா இயக்கிய வணங்கான் திரைப்படத்தில் ஒரு கட்டத்தில் சூர்யா விலகிவிடவே, இப்போது அருண் விஜய் கதாநாயகனாக நடித்து வருகிறார். இந்த படத்தில் இப்போது முக்கிய வேடத்தில் நடிக்க சமுத்திரக்கனியும் இணைந்துள்ளதாக சொல்லப்படுகிறது. இப்போது வணங்கான் படத்தை இயக்குனர் பாலாவே தயாரித்து வருகிறார்.
இப்போது இயக்குனரும் நடிகருமான மிஷ்கின், வணங்கான் படத்தில் ஒரு முக்கிய வேடத்தில் நடிக்க ஒப்பந்தம் ஆகியுள்ளதாக தகவல்கள் வெளியாகியுள்ளன. ஏற்கனவே பாலா தயாரிப்பில் மிஷ்கின் பிசாசு படத்தை சில ஆண்டுகளுக்கு இயக்கியுள்ளார் என்பது குறிப்பிடத்தக்கது.
இப்போது இறுதிகட்ட ஷூட்டிங் நடந்துவரும் நிலையில் இந்த படத்தில் அருண் விஜய் நடிக்கும் கதாபாத்திரம் பற்றிய தகவல் ஒன்று கசிந்துள்ளது. படத்தில் அவர் வாய் பேசமுடியாத காது கேளாத நபராக நடிக்கிறார் என சொல்லப்படுகிறது. சூர்யா நடிக்கும் போது இதே கதாபாத்திரத்தைதான் பாலா உருவாக்கியுள்ளார் என தகவல்கள் வெளியாகின என்பது குறிப்பிடத்தக்கது.
