பிக்பாஸ் நிகழ்ச்சிக்கும் அமரன் படத்திற்கும் சம்பந்தம் உண்டு: சிவகார்த்திகேயன்
விஜய் டிவியில் பிக் பாஸ் நிகழ்ச்சி தொடங்கப்பட்டு இன்று 19ஆவது நாளாக ஒளிபரப்பாக இருக்கும் நிலையில், சற்று முன் தீபாவளி திருநாளின் போது சிவகார்த்திகேயன் பிக் பாஸ் வீட்டிற்கு சிறப்பு விருந்தினராக செல்ல இருப்பதாக கூறப்பட்டு, அதற்குரிய ப்ரோமோ வீடியோ வெளியாகியுள்ளது. அந்த வீடியோ தற்போது இணையத்தில் வைரல் ஆகி வருகிறது.
பிக் பாஸ் சீசன் 8 நிகழ்ச்சி முந்தைய சீசன்களை காட்டிலும் விறுவிறுப்பாக சென்று கொண்டிருக்கும் நிலையில், தீபாவளி சிறப்பு விருந்தினராக சிவகார்த்திகேயன் பிக் பாஸ் வீட்டிற்குள் சென்றுள்ளார். அவரை போட்டியாளர்கள் கைதட்டி வரவேற்று வாழ்த்து தெரிவிக்கின்றனர்.
இந்நிலையில், பிக் பாஸ் போட்டியாளர்கள் முன்பு அமரன் திரைப்படம் குறித்து பேசிய சிவகார்த்திகேயன், அமரன் எமோஷன்களை பதிவு செய்யும் படம் என்று கூறி, எல்லாவற்றிலும் அன்பு தான் முக்கியம் என்பதை வலியுறுத்தும் படம் என்றும் தெரிவித்தார்.
பிக் பாஸ் நிகழ்ச்சிக்கும் அமரன் படத்திற்கும் நிறைய சம்பந்தம் இருப்பதாகவும், இரண்டிலும் ஒற்றுமை ரொம்ப முக்கியம் எனவும் கூறினார். அதன் பின்னர் அமரன் கேக் வெட்டி, அனைத்து போட்டியாளர்களுக்கும் சிவகார்த்திகேயன் வழங்கி வாழ்த்து தெரிவித்தார். இதையடுத்து, அமரன் திரைப்படம் வெற்றி பெற பிக்பாஸ் போட்டியாளர்களும் வாழ்த்து தெரிவித்தனர்.
