இன்று முதல் ரி ரிலீஸ் ஆகும் சிம்புவின் மாநாடு… இத்தனை தியேட்டர்களிலா?
வெங்கட் பிரபு இயக்கத்தில் சிம்பு மற்றும் எஸ் ஜே சூர்யா ஆகியோர் நடித்த மாநாடு திரைப்படம் 2021 ஆம் ஆண்டு வெளியாகி மிகப்பெரிய வெற்றியைப் பெற்றது. இந்த படம் அதன் தயாரிப்பாளர், விநியோகஸ்தர்கள் மற்றும் திரையரங்க உரிமையாளர்கள் என அனைத்துத் தரப்பினருக்கும் லாபம் கொடுத்துள்ளது. இதுபோல சிம்புவின் படம் ஒன்று அனைத்துத் தரப்பினருக்கும் லாபம் கொடுத்த படம் சமீபகாலத்தில் எதுவுமே இல்லை.
திரையரங்கு வருவாய் மூலமாக மட்டுமே சுமார் 100 கோடி ரூபாய் வருவாய் ஈட்டிய முதல் சிம்பு படமாக அமைந்துள்ளது. இந்த படத்தின் வெற்றிக்கு சிம்புவுக்கு இணையான காரணமாகவர் அமைந்தவர் எஸ் ஜே சூர்யா. தனுஷ்கோடி என்ற போலீஸ் பாத்திரத்தை ஏற்று நடித்த அவர், பேசிய வசனங்கள் எல்லாம் படம் ரிலீஸான போது வைரல் ஆகின.
இந்நிலையில் சிம்புவின் 40 ஆவது பிறந்தநாளை முன்னிட்டு தற்போது இன்று முதல் மாநாடு திரைப்படம் நூறுக்கும் மேற்பட்ட தியேட்டர்களில் ரி ரிலீஸாகிறது. இது சிம்புவுக்கும் அவர் ரசிகர்களுக்கும் பிறந்தநாள் பரிசாக அமைந்துள்ளது.
