அதிதிக்குக் கஷ்டமான வேடம்… நேசிப்பாயா படம் பார்த்த பின்னர் ஷங்கர் கருத்து!
XB ஃபிலிம் கிரியேட்டர்ஸ் சேவியர் பிரிட்டோ தயாரிப்பில், பில்லா புகழ் விஷ்ணுவர்தன் இயக்கத்தில் அறிமுக நடிகர் ஆகாஷ் முரளி(அதர்வாவின் தம்பி), அதிதி ஷங்கர் இணைந்து நடிக்கும் 'நேசிப்பாயா' படம் இன்று ரிலீஸாகியுள்ளது.
இந்த படம் மூலம் கிட்டத்தட்ட 8 ஆண்டுகளுக்குப் பிறகு விஷ்ணுவர்தன் தமிழில் படம் இயக்குகிறார். இந்த படத்தை ஒரு அறிமுக நடிகரின் படம் போல இல்லாமல் மிகப்பிரம்மாண்டமாக தயாரித்துள்ளார் பிரிட்டோ. அதற்குக் காரணம் ஆகாஷ் முரளி அவரது மருமகன் என்பதுதான்.
இந்நிலையில் இன்று படம் ரிலீஸாகியுள்ள நிலையில் மகள் அதிதிக்காக இந்த படத்தை குடும்பத்தோடு வந்து பார்த்தார் ஷங்கர். படம் பார்த்த பின்னர் பேசிய அவர் “படம் மிகச்சிறப்பாக வந்துள்ளது. அதிதிக்கு கஷ்டமான ரோல். ஆனால் அவர் அதை சிறப்பாக செய்துள்ளார்” எனக் கூறியுள்ளார்.
