கூலி படத்தின் ஓடிடி உரிமையைக் கைப்பற்றிய பிரபல நிறுவனம்!
சூப்பர் ஸ்டார் ரஜினிகாந்த் நடிக்கும் கூலி படத்தின் ஷூட்டிங் ஐதராபாத் மற்றும் சென்னை ஆகிய இடங்களில் செட் அமைத்துப் படமாக்கப்பட்டது. லோகேஷ் கனகராஜ் இயக்கும் இந்த படத்துக்கு அனிருத் இசையமைக்க, அன்பறிவ் சண்டைக் காட்சிகளை இயக்க, கிரிஷ் கங்காதரன் ஒளிப்பதிவாளராக பணியாற்றுகிறார். சன் பிக்சர்ஸ் நிறுவனம் தயாரிக்கிறது.
இந்த படம் ஒரு மல்டி ஸ்டார் படமாக உருவாகி வருவதால் பல முன்னணி நடிகர்கள் நடிக்கின்றனர். சத்யராஜ், நாகார்ஜுனா, ஸ்ருதிஹாசன் மற்றும் உபேந்திரா ஆகியோர் முக்கிய வேடங்களில் நடிக்கின்றனர். தற்போது படத்தின் இறுதிகட்ட ஷூட்டிங் நடைபெற்று வரும் நிலையில் படத்தின் டீசர் வெளியீடு குறித்த அப்டேட் வெளியாகியுள்ளது.
இந்நிலையில் இந்த படத்தின் ஓடிடி வியாபாரம் குறித்த தகவல் தற்போது வெளியாகியுள்ளது. இந்த படத்தை வாங்க நெட்பிளிக்ஸ் நிறுவனம் பேச்சுவார்த்தை நடத்தியது. ஆனால் அவர்களை விட அதிக தொகை கொடுத்து தற்போது அமேசான் ப்ரைம் நிறுவனம் கைப்பற்றியுள்ளதாம். கூலி படத்தின் ஓடிடி வியாபார மதிப்பு சுமார் 120 கோடி ரூபாய் என்று சொல்லப்படுகிறது.
