இறுதிகட்டத்தில் நயன்தாராவின் நைட் ஷோ
வெங்கட்பிரபு இயக்கத்தில் நயன்தாரா நடித்து வரும் மாஸ் ஒரு ஹாரர் திரைப்படம். அதற்கு முன்பே அவர் நடிக்க ஒப்புக் கொண்டு நடித்து வரும் படம், நைட் ஷோ.
பொட்டன்ஷியல் ஸ்டுடியோஸ் சார்பில் பிரபு, பிரகாஷ்பாபு தயாரிக்கும் இந்தப் படத்தில் ஐந்து வயது குழந்தைக்கு அம்மாவாக நயன்தாரா நடித்து வருகிறார். நெடுஞ்சாலை ஆரிக்கு முக்கியமான வேடம். அஸ்வின் சரவணன் என்ற அறிமுக இயக்குனர் படத்தை இயக்கி வருகிறார்.
சூப்பர்நேச்சுரல் த்ரில்லரான இந்தப் படம் இறுதிகட்டத்தை எட்டியுள்ளது. சமீபத்தில் பாடலாசிரியர் உமாதேவி இந்தப் படத்துக்காக ஒரு பாடல் எழுதினார்.
அடுத்த வருட தொடக்கத்தில் படம் திரைக்கு வருகிறது.
