அதே அரைச்ச மாவு கததான்… ஆர்யாவின் காதர்பாட்ஷா டீசர்!
சசிக்குமார் நடித்த குட்டிப் புலி மற்றும் கார்த்தி நடித்த கொம்பன் ஆகிய படங்களை இயக்கியவர் முத்தையா, அவர் படங்களில் சாதியக் கருத்துகள் இடம்பெற்று வருவதாக ஒரு குற்றச்சாட்டு அவர் மேல் வைக்கப்படுகிறது. ஆனாலும் தென் மாவட்டங்களில் அவர் படங்கள் நல்ல வெற்றியைப் பெறுகின்றன. சமீபத்தில் அவர் இயக்கிய விருமன் திரைப்படம் சமீபத்தில் ரிலீஸாகி மிகப்பெரிய வெற்றியைப் பெற்றது. இதையடுத்து ஆர்யாவை கதாநாயகனாக்கி ஒரு படத்தை இயக்கி வருகிறார். இந்த படத்தின் ஷூட்டிங் கோவில்பட்டியில் நடந்து முடிந்துள்ள நிலையில் படத்துக்கு ‘காதர்பாட்சா என்கிற முத்து ராமலிங்கம்’ என்று தலைப்பு வைக்கப்பட்டுள்ளது.
இந்த படத்தின் டீசர் நேற்று வெளியானது. வழக்கமாக முத்தையா படங்களில் என்னன்ன க்ளிஷேக்கள் இருக்குமோ அதையெல்லாம் கொண்டுதான் வெளியாகியுள்ளது இந்த டீசரும் என ரசிகர்கள் விமர்சிக்க ஆரம்பித்துள்ளனர்.
