அனைத்து சாதனைகளையும் அடித்து நொறுக்கிய மகாராஜா… அறிவித்த நெட்பிளிக்ஸ்!
விஜய் சேதுபதியின் 50 ஆவது படமான மகாராஜா ஜூன் 12 ஆம் தேதி ரிலீஸாகி பிளாக்பஸ்டர் ஹிட்டானது. நீண்ட இடைவெளிக்குப் பிறகு அவருக்கு ஒரு ஹிட் படமாக அமைந்தது மகாராஜா. இந்த படத்தில் அனுராக் காஷ்யப், மம்தா மோகன்தாஸ், நட்ராஜ் நட்டி மற்றும் பாய்ஸ் மணிகண்டன் மற்றும் சிங்கம்புலிஆகியோர் முக்கிய வேடத்தில் நடித்துள்ளனர்.
கடந்த காலங்களில் விஜய் சேதுபதியின் எந்த படமும் தொடாத வசூல் சாதனையை மகாராஜா செய்துள்ளது. இந்த படம் திரையரங்குகள் மூலமாக மட்டுமே 100 கோடி ரூபாய்க்கு மேல் வசூலித்துள்ளது. இந்நிலையில் இந்த படம் கடந்த மாதம் நெட்பிளிக்ஸ் ஓடிடியில் வெளியாகி பல நாடுகளில் நம்பர் 1 இடத்தில் ட்ரண்டிங்கில் இருந்தது.
இதையடுத்து இந்திய அளவில் அதிகம் பார்க்கப்பட்ட நான்காவது படம் என்ற சாதனையைப் படைத்தது. ஆனால் இப்போது இந்தியாவில் அதிகம் பார்க்கப்பட்ட படம் என்ற இந்தி படங்களின் சாதனைகளை எல்லாம் முறியடித்து 1.7 கோடி பார்வையாளர்களோடு முதலிடத்துக்கு வந்துள்ளது.
