வெள்ளி, 29 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By
Last Modified: புதன், 17 பிப்ரவரி 2021 (08:26 IST)

உங்கள் வார்த்தைக்குக் கட்டுப்படுகிறோம் தல… அஜித் ரசிகர்கள் ஒட்டிய போஸ்டர்!

நடிகர் அஜித் ரசிகர்கள் வலிமை அப்டேட் கேட்டு மோடி வரை சென்றது பரபரப்பை ஏற்படுத்தியதை அடுத்து அஜித் அறிக்கை வெளியிட்டார்.

போனி கபூர் தயாரிப்பில் ஹெச்.வினோத் இயக்கத்தில் அஜித் நடித்து வரும் படம் வலிமை. இந்த படத்திற்கான அறிவிப்பு வெளியாகி ஒரு வருடத்திற்கும் மேலாகி விட்ட நிலையில் எந்த விதமான அப்டேட்டும் வெளியாகததால் அஜித் ரசிகர்கள் அப்டேட் கேட்டு அடிக்கடி படக்குழுவினரை கேட்டு வந்தனர்.

ஆனால் தற்போது சமீப காலமாக பார்க்கும் முக்கிய பிரமுகர்களிடம் கூட வலிமை அப்டேட் கேட்க தொடங்கிவிட்டனர். கிரிக்கெட் மைதானத்தில், அரசியல்வாதிகளின் கூட்டத்தில் என வலிமை அப்டேட் கேட்கப்படுவது வைரலாகி வரும் நிலையில் நடிகர் அஜித் அறிக்கை ஒன்றை வெளியிட்டுள்ளார்.

அதில் “வலிமை அப்டேட் வெளியிடுவது குறித்து நானும் தயாரிப்பாளரும் பேசி முடிவெடுப்போம். அதுவரை ரசிகர்கள் பொறுமை காக்கவும். எனது ரசிகர்கள் என்ற பெயரில் விளையாட்டு வீரர்கள், அரசியல்வாதிகளிடம் அப்டேட் கேட்டு சிலர் தொல்லை தருவது என்னை வருத்தமுற செய்கிறது” என கூறியுள்ளார்.

மேலும் “உங்களுக்கு சினிமா ஒரு பொழுதுபோக்கு. எனக்கு அது தொழில். நான் எடுக்கும் முடிவுகள் என் தொழில் மற்றும் சமூக நலன் சார்ந்தவை. நம் செயல்களே சமூகத்தில் நம்மை உயர்த்தும்” என கூறியுள்ள அஜித்குமார் பொதுவெளியில் ரசிகர்கள் கண்ணியம், கட்டுபாட்டுடன் நடந்து கொள்ள வேண்டும் என வலியுறுத்தியுள்ளார்.

இந்நிலையில் மதுரை அஜித் ரசிகர்கள் ‘உங்கள் வார்த்தைக்குக் கட்டுப்பட்டு காத்திருக்கிறோம் தலை’ என போஸ்டர் அடித்து ஒட்டியுள்ளனர்.