மாறன் ஓடிடி ரிலீஸ் குறித்த தகவல்… மௌனம் காக்கும் படக்குழு!
தனுஷ் நடிப்பில் கார்த்திக் நரேன் இயக்கியுள்ள மாறன் திரைப்படம் பொங்கல் பண்டிகைக்கு ஓடிடியில் வெளியாக வாய்ப்புள்ளதாக சொல்லப்படுகிறது.
கார்த்திக் நரேன் இயக்கத்தில் தனுஷ் நடித்து வரும் தலைப்பிடாதப்படம் D43. இந்த படத்தில் தனுஷுக்கு ஜோடியாக மாளவிகா மோகனன் நடிக்கிறார். ஜிவி பிரகாஷ் இசையமைத்துள்ளார், சத்யஜோதி பிலிம்ஸ் இந்த படத்தை தயாரித்துள்ளனர். சமீபத்தில் இந்த படத்துக்கு மாறன் என பெயர் வைக்கப்பட்டுள்ள நிலையில் படப்பிடிப்பு விறுவிறுப்பாக நடந்து வருகிறது.
இந்த படத்தின் பெரும்பாலான காட்சிகள் படமாக்கப்பட்டு விட்டன. இந்நிலையில் இப்போது இந்த படத்தை பற்றிய ஒரு தகவல் வெளியாகியுள்ளது. வரும் பொங்கல் பண்டிகை முன்னிட்டு தனுஷின் மாறன் படம் ஓடிடி தளமான ஹாட் ஸ்டாரில் வெளியாகும் என தகவல்கள் பரவி வருகின்றன.
ஆனால் இந்த தகவல் உண்மையா இல்லையா என்பதை இன்னமும் படக்குழு உறுதி செய்யவில்லை. விரைவில் இதுகுறித்த அதிகாரப்பூர்வ தகவல் வெளியாகும் என சொல்லப்படுகிறது.
