4 மொழிகளில் 4 பிரபலங்கள் வெளியிடும் ‘மாநாடு’ டிரைலர்!
சிம்பு நடித்த ‘மாநாடு’ திரைப்படம் தமிழ் தெலுங்கு கன்னடம் மற்றும் மலையாளம் ஆகிய நான்கு மொழிகளில் உருவாகி உள்ளது என்பதும் இந்த திரைப்படம் வரும் தீபாவளி அன்று வெளியாக உள்ளது என்பதும் தெரிந்ததே
இந்த நிலையில் ‘மாநாடு’ படத்தின் டிரைலர் அக்டோபர் 2ஆம் தேதி வெளியாகும் என ஏற்கனவே அறிவிக்கப்பட்ட நிலையில் சற்று முன்னர் இந்த படத்தின் டிரைலர் அக்டோபர் 2ஆம் தேதி 11 25 மணிக்கு வெளியாகும் என தயாரிப்பாளர் சுரேஷ் காமாட்சி அவர்கள் தனது டுவிட்டரில் அறிவித்துள்ளார்
மேலும் இந்த படத்தின் நான்கு மொழி டிரெய்லரை அந்தந்த மொழியிலுள்ள பிரபலங்கள் வெளியிட உள்ளனர் என்பது குறிப்பிடத்தக்கது. தமிழில் இயக்குனர் முருகதாஸ், தெலுங்கு நடிகர் நானி, கன்னடத்தில் நடிகர் ரக்சித் ஷெட்டி, மற்றும் மலையாளத்தில் நடிகர் நவீன் பாலி வெளியிடுகின்றனர் என தயாரிப்பாளர் சுரேஷ் காமாட்சி தனது டுவிட்டர் பக்கத்தில் குறிப்பிட்டுள்ளார்
