லடாக்கில் நடந்து வந்த லூசிபர் 2 வின் படப்பிடிப்பு நிறைவு!
மலையாள சினிமாவின் சூப்பர் ஸ்டார் நடிகர்களில் ஒருவர் பிருத்விராஜ். இவர் தனது முதல்படமாக மோகன்லாலை வைத்து லூசிபர் படத்தை இயக்கி பிளாக்பஸ்டர் ஹிட் கொடுத்தார். ஆனால் அதன் பின்னர் நடிப்பில் மீண்டும் கவனம் செலுத்த தொடங்கினார். இதற்கிடையில் லூசிஃபர் படத்தின் இரண்டாம் பாகத்தை பிருத்விராஜ் இயக்க உள்ளதாக அறிவிப்பு வெளியானது.
சில ஆண்டுகள் தாமதத்துக்குப் பிறகு எம்பூரான் திரைப்படத்தை ஆஷிர்வாத் சினிமாஸோடு இணைந்து லைகா புரொடக்ஷன்ஸ் நிறுவனம் தயாரிக்க அக்டோபர் 5 ஆம் தேதி ஷூட்டிங் தொடங்கியது.
இந்நிலையில் லடாக்கில் விறுவிறுப்பாக நடந்து வந்த எம்பூரான் முதல் கட்ட ஷூட்டிங் தற்போது நிறைவடைந்துள்ளது. இதை படத்தின் இயக்குனர் பிருத்விராஜ் அறிவித்துள்ளார்.
