கார்த்தி நடிப்பில் உருவாகியுள்ள சர்தார் டிரைலர் எப்போது?... வெளியான தகவல்!
கார்த்தி நடித்துள்ள சர்தார் திரைப்படம் அக்டோபர் 21 ஆம் தேதி ரிலீஸ் ஆக உள்ளது.
தமிழ் சினிமாவில் இரும்புத்திரை, ஹீரோ போன்ற கவனிக்கத்தக்க படங்களை இயக்கியவர் பி.எஸ்.மித்ரன். தற்போது இவர் இயக்கத்தில் கார்த்தி நடித்து சர்தார் என்ற படம் உருவாகியுள்ளது. இந்த படத்தில் ராஷி கண்ணா உள்ளிட்ட பலர் நடித்துள்ள நிலையில் ஜி.வி.பிரகாஷ் இசையமைத்துள்ளார்.
இந்த படம் தீபாவளியை முன்னிட்டு அக்டோபர் 21 ஆம் தேதி ரிலீஸ் ஆகிறது. இந்த படத்தை ஏற்கனவே கார்த்தியின் தேவ் படத்தைத் தயாரித்த பிரின்ஸ் பிக்சர்ஸ் நிறுவனம்தான் தயாரித்துள்ளது.
இந்த படத்தின் மீது நல்ல எதிர்பார்ப்பு நிலவும் நிலையில் நாளை இந்த படத்தின் டிரைலர் வெளியாகும் என அறிவிக்கப்பட்டுள்ளது. ஏற்கனவே வெளியான டீசர் ரசிகர்கள் மத்தியில் நல்ல வரவேற்பைப் பெற்றது குறிப்பிடத்தக்கது.
