தேசிய விருது பெற்றவர்களில் ஒருவருக்கு மட்டும் வாழ்த்துக் கூறிய கமல்ஹாசன்!
2021 ஆம் ஆண்டுக்கான 69 ஆவது தேசிய விருதுகள் நேற்று மாலை அறிவிக்கப்பட்டன. இதில் தமிழில் முன்னணி நடிகர்களின் படங்கள் இடம்பெற்று இருந்தன. ஆனால் ஒருசில படங்களை தவிர மற்ற படங்களுக்கு விருதுகள் கிடைக்கவில்லை.
இந்த முறை மாஸ் மசாலா படங்களுக்கு அதிகளவில் விருதுகள் கொடுக்கப்பட்டுள்ளன. புஷ்பா 1 படத்துக்காக அல்லு அர்ஜுனுக்கு சிறந்த நடிகர் விருதளிக்கப்பட்டது ஆச்சர்யமாகப் பார்க்கப்படுகிறது. அதே போல அந்த படத்துக்கு இசையமைத்த தேவி ஸ்ரீ பிரசாத்துக்கு சிறந்த பாடல் இசைக்கான விருதளிக்கப்பட்டுள்ளது.
இந்நிலையில் இசையமைப்பாளர் தேவி ஸ்ரீ பிரசாத்துக்கு வாழ்த்துகளை தெரிவித்துள்ளார் நடிகர் கமல்ஹாசன். இது பற்றிய அவரது ட்வீட்டில் “புஷ்பா திரைப்படத்திற்காக சிறந்த பாடல் இசைக்கான தேசிய விருது பெற்றுள்ள அன்பு இளவல் தேவி ஸ்ரீ பிரசாத் அவர்களுக்கு என் மனமார்ந்த பாராட்டுகளும் வாழ்த்துகளும் உரித்தாகுக” எனக் கூறியுள்ளார்.
