ஜிகர்தண்டா 2 படத்துக்கு 18 கட்… ரன்னிங் டைம் இவ்வளவா? – வெளியான தகவல்!
2014ஆம் ஆண்டு வெளியான திரைப்படம் ஜிகர்தண்டா படத்தின் இரண்டாம் பாகத்தை இப்போது இயக்கி வருகிறார் கார்த்திக் சுப்பராஜ். ஆனால் முந்தைய பாகத்துக்கும் இப்போது உருவாகும் படத்துக்கும் சம்மந்தம் இல்லை என்று கார்த்திக் சுப்பராஜ் கூறியுள்ளார்.
ஜிகர்தண்டா 2 வில் ராகவா லாரன்ஸ் மற்றும் எஸ் ஜே சூர்யா ஆகிய இருவரும் நடிக்கிறார்கள். இருவருக்கும் சம அளவில் முக்கியத்துவம் கொடுத்து படத்தை இயக்கி வருகிறார் கார்த்திக் சுப்பராஜ். படம் பீரியட் திரைப்படமாக உருவாவதாக சொல்லப்படுகிறது. இந்த படத்தின் ஷுட்டிங் முடிந்துள்ள நிலையில் தீபாவளிக்குப் படம் ரிலீஸ் ஆகிறது. தீபாவளிக்கு இரண்டு நாட்களுக்கு முன்பாக நவம்பர் 10 ஆம் தேதியே ரிலீஸ் ஆகும் என எதிர்பார்க்கப்படுகிறது.
இந்நிலையில் இப்போது படம் சென்சார் செய்யப்பட்டுள்ளது. 2 மணி நேரம் 52 நிமிடம் ஓடும் என தெரியவந்துள்ள நிலையில் படத்தில் 18 இடங்களில் கட் மற்றும் வசனம் ம்யூட் செய்தல் ஆகியவற்றை சென்சார் போர்ட் பரிந்துரை செய்துள்ளது.
