ரஜினி லோகேஷ் படத்தின் ஒளிப்பதிவாளர் இவர்தான்… வெளியான தகவல்!
சூப்பர் ஸ்டார் ரஜினிகாந்த் நடிக்க இருக்கும் ‘தலைவர் 171’ திரைப்படம் குறித்த அதிகாரப்பூர்வ அறிவிப்பை சன் பிக்சர்ஸ் நிறுவனம் சில மாதங்களுக்கு முன்னர் அதிகாரப்பூர்வமாக அறிவித்தது. இந்த படத்துக்கு அனிருத் இசையமைக்க, அன்பறிவ் சண்டைக் காட்சிகளை இயக்குவார்கள் என அறிவிக்கப்பட்டிருந்தது.
இந்த படமும் லோகேஷின் முந்தைய படமான லியோ போல ஒரு ஹாலிவுட் படத்தின் தழுவலாக உருவாக்கப்படுவதாக சொல்லப்பட்டு வருகிறது. இந்நிலையில் 2013 ஆம் ஆண்டு வெளியான தி பர்ஜ் என்ற படத்தின் ஒரு சிறு பகுதியை தழுவிதான் லோகேஷ் இந்த படத்துக்கான திரைக்கதையை உருவாக்கி வருவதாக சொல்லப்படுகிறது.
இந்நிலையில் இந்த படத்தின் ஒளிப்பதிவாளராக கிரிஷ் கங்காதரன் ஒப்பந்தமாகியுள்ளதாக தகவல்கள் வெளியாகியுள்ளன. இவர் அங்கமாலி டைரீஸ், சர்கார், ஜல்லிகட்டு மற்றும் விக்ரம் உள்ளிட்ட பல படங்களில் ஒளிப்பதிவாளராக பணியாற்றியுள்ளார்.
