நயன்தாரா பிறந்தநாள்: நள்ளிரவில் 55வது படத்தின் ஃபர்ஸ்ட் லுக்!!
நயன்தாராவின் பிறந்தநாள் பரிசாக, அவர் நடித்து வரும் 55வது படத்தின் பெயர் மற்றும் ஃபர்ஸ்ட் லுக் வெளியாகவுள்ளது.
மீஞ்சூர் கோபி இயக்கத்தில் நயன்தாரா பெயரிடாத படம் ஒன்றில் நடித்து வருகிறார். ராமநாதபுரத்தில் தொடங்கப்பட்ட அந்த படம் இறுதி கட்டத்தை எட்டியுள்ளதாக கூறப்படுகிறது.
இந்நிலையில், இந்த படத்தின் பெயர் மற்றும் ஃபர்ஸ்ட் லுக் வெளியாகவுள்ளது. அதனை, நவம்பர் 17-ம் தேதி நள்ளிரவு 12 மணிக்கு (நவம்பர் 18), பரிசாக படக்குழுவினர் வெளியிடவுள்ளனர்.
நாயகிக்கு முக்கியத்துவம் கொடுத்து எடுக்கப்பட்டு வரும் அப்படத்தில், நயன்தாரா மாவட்ட ஆட்சியராக நடிப்பதாக தெரிகிறது. காக்கா முட்டை படத்தில் நடித்த சிறுவர்களான விக்னேஷ், ரமேஷ் உள்ளிட்ட பலர் நடிக்கின்றனர்.
