வெள்ளி, 29 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By
Last Modified: செவ்வாய், 26 ஜூன் 2018 (08:42 IST)

உப்பு வாங்க மறந்த மும்தாஜ்: டேனியல் அணி வெற்றி

நேற்று நடைபெற்ற பிக்பாஸ் நிகழ்ச்சியில் போட்டி ஒன்றில் உப்பு வாங்க மறந்த மும்தாஜ் அணி, டேனியல் அணியிடம் தோல்வி அடைந்தது
 
நேற்றைய பிக்பாஸ் நிகழ்ச்சியில் ஆண்கள், பெண்கள் என இரு அணியினர்களுக்கும் ரூ.4000 கொடுத்து வீட்டிற்கு தேவையான பொருட்களை வாங்கும்படி ஒரு போட்டியை பிக்பாஸ் வைத்தார். இரு அணியில் இருந்தும் இருவர் தேர்வு செய்யப்பட்டு பர்சேஸ் செய்ய வேண்டும் என்றும் சிறப்பாக பர்சேஸ் செய்பவர்கள் யார் என்பதை ஜனனி அறிவிக்க வேண்டும் என்றும் கூறினார்.
 
இதனையடுத்து ஆண்கள் அணியில் டேனியல், செண்ட்ராயனும், பெண்கள் அணியில் மும்தாஜ், வைஷ்ணவியும் பர்சேஸ் செய்தனர். இதில் டேனியல், செண்ட்ராயன் அணியினர் அரிசி, காய்கறி, பழங்கள், உப்பு, சர்க்கரை என வீட்டிற்கு தேவையான பொருட்களை சரியாக வாங்கினர்
 
ஆனால் மும்தாஜ் அணியினர் அரிசி, காய்கறி குறைவாக பர்சேஸ் செய்ததோடு சமையலுக்கு மிகவும் முக்கியமான பொருளான உப்பை வாங்க மறந்தனர். மேலும் பழங்கள் எதுவும் இந்த அணியினர் வாங்கவில்லை. இதனையடுத்து டேனியல் அணியினர் வெற்றி பெற்றதாக தலைவர் ஜனனி அறிவித்தார்.