வெள்ளி, 29 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By Papiksha Joseph
Last Updated : சனி, 23 மே 2020 (08:27 IST)

கல்யாண செய்தி கூறிய பிக்பாஸ் ஷெரின் - ரசிகர்கள் வாழ்த்து!

கமல் ஹாசன் தொகுத்து வழங்கிய பிக்பாஸ் நிகழ்ச்சியின் மூலம் பெரிய அளவில் பேமஸ் ஆனவர் நடிகை ஷெரின். ஆனால் அவர் இதற்கு முன் சிறுவயதாக இருந்தபோதே ஒரு சில தமிழ் படங்களில் நடித்துள்ளார். “அழகிய அசுரா, அழகிய அசுரா” என்ற பாடலில் ஷெரின் எஸ்பிரஷனில் பலரும் மயங்கியதுண்டு.

அதையடுத்து செல்வராகவன் இயக்கத்தில் வெளியான துள்ளுவதோ இளமை படத்தில் தனுஷுடன் சேர்ந்து நடித்துள்ளார். தனுஷின் முதல் படமான இதில் ஷெரின், அபிநய்,ரமேஷ் கண்ணா,தலைவாசல் விஜய்,விஜயகுமார், ஷில்பா போன்ற பல நடிகர்கள் நடித்து இருந்தார்கள். தமிழ் சினிமாவில் பல்வேறு படங்களில் நடித்தாலும் அவரை பிரபலப்படுத்தியது என்னமோ பிக்பாஸ் நிகழ்ச்சி தான்.

இந்நிலையில் பிரபல இணையதள சேனல் ஒன்றிற்கு பேட்டி கொடுத்த ஷெரினிடம் திருமணம் குறித்து கேட்டதற்கு பதிலளித்த அவர், திருமணம் செய்துகொள்வதற்கு ஏற்ற நபர் நம் வாழ்வில் யாராவது இருக்கவேண்டும். ஆனால் , அப்படியான நபர் தற்போது என்னுடைய வாழ்வில் இல்லை. ,மேலும், இது கொரோனா லாக்டவுன் என்பதால் நான் வீட்ற்குள்ளேயே என்னுடைய  இளவரசருக்காக காத்திருக்கிறேன் என கூறி வெட்கத்துடன் பதிலளித்தார். இதை அறிந்து அவரது ரசிகர்கள் பலரும் உங்களுக்கு ஏற்ற ராஜகுமாரன் கிடைக்க வாழ்த்துக்கள் என கூறி வருகின்றனர்.