இரண்டே நாளில் உலகம் முழுவதும் 3600 கோடி ரூபாய் வசூலித்த அவதார் 2!
அவதார் 2 திரைப்படம் ரிலீஸாகி உலகம் முழுவதும் நல்ல வரவேற்பைப் பெற்று வருகிறது.
பிரபல ஹாலிவுட் இயக்குனர் ஜேம்ஸ் கேமரூன் இயக்கத்தில் உருவாகி வெளியாகியுள்ள படம் ‘அவதார்: தி வே ஆப் வாட்டர்’. கடந்த 2009ல் வெளியாகி பெரும் ஹிட் அடித்த அவதார் படத்தின் இரண்டாம் பாகமான இந்த படத்திற்கு பெரும் எதிர்பார்ப்பு நிலவி வந்தது.
இந்தியாவில் விநியோகஸ்தர்கள் மற்றும் தியேட்டர் உரிமையாளர்களுக்கு இடையிலான ஷேர் பிரிப்பதில் ஏற்பட்ட பேச்சுவார்த்தை சுமூகமாக முடியாததால் சில திரையரங்குகளில் அவதார் 2 ரிலீஸ் ஆகவில்லை.
உலகளவில் அவதார் 2 திரைப்படம் சுமார் 3600 கோடி ரூபாய் வசூல் செய்துள்ளதாக தகவல்கள் வெளியாகியுள்ளன. இந்தியாவில் 100 கோடி ரூபாயை 2 நாளில் வசூல் செய்துள்ளது.
