ஈரம் வெற்றிக் கூட்டணியின் அடுத்த படமான ‘சப்தம்’… முக்கிய அப்டேட்டை வெளியிட்டப் படக்குழு!
ஈரம் மற்றும் குற்ற்ம் 23 ஆகிய படங்களின் மூலமாக கவனம் ஈர்த்தவர் இயக்குனர் அறிவழகன். இதையடுத்து சமீபத்தில் இவர் இயக்கிய தமிழ்ராக்கர்ஸ் என்ற வெப்சீரிஸ் வெளியாகி கவனம் பெற்றது. இதற்கிடையில் அவர் அருண் விஜய் நடிப்பில் இயக்கிய பார்டர் என்ற திரைப்படம் ரிலீஸுக்கு காத்திருக்கிறது.
இந்நிலையில் இப்போது 13 ஆண்டுகளுக்குப் பிறகு அறிவழகன் மீண்டும் ஆதி நடிக்கும் சப்தம் என்ற படத்தை இயக்கி வருகிறார். இந்த திரைப்படமும் ஒரு பேய் த்ரில்லர் படமாக உருவாக உள்ளதாக தகவல்கள் வெளியாகியுள்ளன. இந்த படத்துக்கு சப்தம் என்று பெயர் வைக்கப்பட்டுள்ளது. இந்த படத்தில் ஆதியுடன் சிம்ரன் மற்றும் லைலா ஆகியோர் முக்கிய வேடங்களில் நடித்து வருகின்றனர்.
இந்த படம் பிப்ரவரி 28 ஆம் தேதி ரிலீஸாகவுள்ளதாக அறிவிக்கப்பட்டுள்ளது, இந்நிலையில் சமீபத்தில் இந்த படம் சென்சார் அதிகாரிகளால் பார்க்கப்பட்டு UA சான்றிதழ் வழங்கப்பட்டுள்ளது.
