தம்பி ராமையா அடுத்து இயக்கும் படத்தின் பெயர் ‘சிறுத்தை சிவா’?
தமிழ் சினிமாவில் இயக்குனராகவும், நகைச்சுவை நடிகராகவும் அறியப்படுபவர். இவர் இயக்கத்தில் வடிவேலு நடிப்பில் உருவான இந்திரலோகத்தில் நா அழகப்பன் திரைப்படம் கவனத்தைப் பெற்றது. அதன் பின்னர் மைனா படம் மூலமாக முன்னணி நடிகராகிவிட்ட இவர் தொடர்ந்து நடித்து வருகிறார்.
இந்நிலையில் இப்போது அவர் மீண்டும் இயக்குனராக ஒரு படத்தை இயக்க உள்ளதாக சொல்லப்படுகிறது. இந்த படத்தை மாநாடு படத்தின் தயாரிப்பாளர் சுரேஷ் காமாட்சி தயாரிக்க வாய்ப்புள்ளதாக சொல்லப்படுகிறது. மேலும் சமுத்திரக்கனி கதாநாயகனாக நடிக்க உள்ளதாகவும் சொல்லப்படுகிறது. சமுத்திரக்கனி இயக்கத்தில் அவரும் தம்பி ராமையாவும் இணைந்து நடித்த விநோதய சித்தம் திரைப்படம் வரவேற்பைப் பெற்றது குறிப்பிடத்தக்கது.
இதையடுத்து மற்றொரு படத்தில் தன் மகன் உமாபதியை ஹீரோவாக்கி ஒரு படத்தை இயக்க உள்ளாராம். இந்த படத்துக்கு சிறுத்தை சிவா என பெயர் வைக்கப்பட்டுள்ளதாக சொல்லப்படுகிறது.
