அப்பல்லோவில் அனுமதிக்கப்பட்டர் அமைச்சர் எம்.சி.சம்பத்: மருத்துவமனை விரைந்தார் முதல்வர் ஓபிஎஸ்!
அப்பல்லோவில் அனுமதிக்கப்பட்டர் அமைச்சர் எம்.சி.சம்பத்: மருத்துவமனை விரைந்தார் முதல்வர் ஓபிஎஸ்!
தமிழக தொழிற்துறை அமைச்சர் எம்.சி. சம்பத் திடீர் உடல் நலக்குறைவு கரணமாக சென்னை அப்பல்லோ மருத்துவமனையில் இன்று அனுமதிக்கப்பட்டார். இவருக்கு வயது 58 ஆகும்.
கடலூர் தொகுதி எம்எல்ஏவாக தேர்ந்தெடுக்கப்பட்டவர் தமிழக தொழிற்துறை அமைச்சரான எம்.சி.சம்பத். இவருக்கு இன்று காலை திடீர் உடல்நலக்குறைவு ஏற்பட்டதை தொடர்ந்து உடனடியாக அவர் சென்னை ஆயிரம் விளக்கு பகுதியிலுள்ள அப்போலோ மருத்துவமனையில் அனுமதிக்கப்பட்டார்.
மருத்துவமனையில் அவருக்கு தொடர்ந்து சிகிச்சை அளிக்கப்பட்டு வருகிறது. அவரது உடல்நிலை தற்போது சீராக இருப்பதாக அப்போலோ மருத்துவர்கள் தெரிவித்துள்ளனர். இந்நிலையில் மருத்துவமனையில் அனுமதிக்கப்பட்டுள்ள அமைச்சரை இன்று மாலை தமிழக முதல்வர் ஓ.பன்னீர்செல்வம் நேரில் சென்று நலம் விசாரித்தார்.
