திமுக முதன்மைச் செயலாளராக டி.ஆர்.பாலு நியமனம்

திமுக முதன்மைச் செயலாலராக டி.ஆர்.பாலு நியமிக்கப்பட்டுள்ளார்.

திமுக முன்னாள் தலைவர் கருணாநிதியின் மறைவிற்கு பின்னர் செயல்தலைவராக இருந்த மு.க.ஸ்டாலின் தலைவர் பதவிக்கும், பொருளாளர் பதவிக்கு துரைமுருகனும் வேட்பு மனு தாக்கல் செய்திருந்தனர். அவர்களை எதிர்த்து யாரும் மனு தாக்கல் செயய்வில்லை. 

ஆதலால் கடந்த 28 ஆம் தேதி அண்ணா அறிவாலயத்தில் நடைபெற்ற பொதுக்குழு கூட்டத்தில் திமுக தலைவராக ஸ்டாலினும், பொருளாளராக துரைமுருகனும் போட்டியின்றி தேர்வு செய்யப்பட்டதாக கட்சியின் பொதுச்செயலாளர் அன்பழகன் அதிகாரப்பூர்வமாக அறிவித்தார். 

இந்நிலையில் துரைமுருகன் வகித்து வந்த திமுக முதன்மைச் செயலாளர் பதவி காலியாக இருந்த நிலையில், அந்த பதவிக்கு டி.ஆர்.பாலு நியமிக்கப்படுவதாக திமுக தலைவர் ஸ்டாலின் தெரிவித்துள்ளார். அடுத்தடுத்ததாக காலியாக உள்ள அனைத்து பதவிகளும் விரைவில் நியமிக்கப்படும் என திமுக நிர்வாகம் தெரிவித்துள்ளது.