பணம் வெள்ளமாக பாய்ந்த போதும் தருமபுரியில் அன்புமணி வெற்றி - ராமதாஸ் மகிழ்ச்சி

வீரமணி பன்னீர்செல்வம்| Last Updated: ஞாயிறு, 18 மே 2014 (18:05 IST)
பணம் வெள்ளமாக பாய்ந்த போதும் தருமபுரியில் அன்புமணி வெற்றி பெற்றிருப்பதாக நிறுவனர் ராமதாஸ் மகிழ்ச்சி தெரிவித்துள்ளார். மேலும், தருமபுரி தொகுதி மக்களுக்கு நன்றி கூறியுள்ளார்.
இது தொடர்பாக அவர் இன்று வெளியிட்ட அறிக்கையில், "தமிழ்நாட்டில் நடைபெற்ற மக்களவைத் தேர்தலில், தருமபுரி தொகுதியில் போட்டியிட்ட பாமக இளைஞரணித் தலைவர் மருத்துவர் அன்புமணி ராமதாஸ் 77 ஆயிரத்திற்கும் அதிகமான வாக்குகள் வித்தியாசத்தில் வெற்றி பெற்றிருக்கிறார்.
 
பாமக போட்டியிட்ட மற்ற தொகுதிகளின் முடிவுகள் மன நிறைவளிக்கும் வகையில் இல்லாவிட்டாலும், தருமபுரி தொகுதி முடிவு மகிழ்ச்சி அளிக்கிறது.
 
நாடாளுமன்ற தேர்தலின்போது தமிழகத்தின் மற்ற தொகுதிகளில் பணம் ஆறாக ஓடியது என்றால், தருமபுரியில் மட்டும் வெள்ளமாக பாய்ந்தது. அன்புமணி ராமதாஸ் வெற்றி பெற்றுவிடக் கூடாது என்பதையே முக்கிய இலக்காக கொண்டு செயலாற்றிய ஆளுங்கட்சியினர், அதற்காக எந்தளவுக்கு விதிகளை மீறி செயல்பட முடியுமோ, அந்த அளவுக்கு விதிகளை மீறினார்கள்.


இதில் மேலும் படிக்கவும் :