மதுரையின் பொழுதுபோக்கே அண்ணன் செல்லூரார்தான்..! – தங்கம் தென்னரசு கலாய்!
சட்டமன்ற கூட்டத்தில் அமைச்சர் தங்கம் தென்னரசு அதிமுக எம்.எல்.ஏ செல்லூர் ராஜூ குறித்து பேசியது வைரலாகியுள்ளது.
தமிழ்நாடு சட்டமன்றத்தில் ஆண்டு பட்ஜெட் கடந்த மாதம் தாக்கல் செய்யப்பட்டது. அதை தொடர்ந்து பல்வேறு துறைகளுக்குமான மானிய கோரிக்கைகள் மீதான விவாதங்கள் தொடர்ந்து நடைபெற்று வருகின்றன.
இன்று சட்டமன்றத்தில் விவாதங்கள் நடந்து வந்த நிலையில் பேசிய முன்னாள் அதிமுக அமைச்சர் செல்லூர் ராஜூ, மதுரையில் கேளிக்கை பூங்காக்கள் அமைப்பது தொடர்பாக பேசியதுடன், மதுரையில் மக்களுக்கு சரியான பொழுதுபோக்கு இல்லை என்றும் கருத்து தெரிவித்துள்ளார்.
இதற்கு பதிலளித்து பேசிய அமைச்சர் தங்கம் தென்னரசு, மதுரை மக்களுக்கு சிறந்த பொழுதுபோக்கே அண்ணன் செல்லூர் ராஜூதான் என நகைச்சுவையாக கூறியுள்ளார். இதனால் சிறிதுநேரம் அங்கு சிரிப்பலை எழுந்துள்ளது.
