தமிழக முதல்வருடன் பாஜக எல்.முருகன் திடீர் சந்திப்பு: என்ன பேசினார்கள்?
கடந்த சில நாட்களாகவே அதிமுக மற்றும் பாஜக தலைவர்கள் பேட்டிகளின் மூலம் சொற்போரில் ஈடுபட்டுக் கொண்டிருக்கும் நிலையில் திடீரென சற்று முன்னர் தமிழக முதல்வர் எடப்பாடி பழனிச்சாமி அவர்களை பாஜக தமிழக தலைவர் எல்.முருகன் அவர்கள் சந்தித்தார்.
சென்னை கிரீன்வேஸ் சாலையில் உள்ள முதல்வர் இல்லத்தில் நடந்த இந்த சந்திப்பு சுமார் அரை மணி நேரம் நடைபெற்றது. இந்த சந்திப்பின்போது விநாயகர் சிலை வழிபட அனுமதிக்க வேண்டும் என்று எல்.முருகன் கேட்டுக் கொண்டதாக செய்திகள் வெளியானது
இந்த நிலையில் முதல்வருடனான சந்திப்பு முடித்து விட்டு வெளியே வந்த எல்.முருகன் செய்தியாளர்களை சந்தித்தபோது ’விநாயகர் சிலைகளை வழிபட அனுமதிக்க வேண்டும் என்றும் முதல்வரிடம் கேட்டுக்கொண்டதாகவும் அதிகாரிகளுடன் ஆலோசனை செய்து இதுகுறித்து தனது முடிவை அறிவிப்பதாக முதல்வர் தெரிவித்ததாகவும் கூறியுள்ளார்
மேலும் இந்த சந்திப்பின்போது அரசியல் குறித்து எதுவும் பேசவில்லை என்றும் அவர் தெரிவித்தார். இருப்பினும் இந்த சந்திப்பு அரசியல் வட்டாரத்தில் பெரும் பரபரப்பை ஏற்படுத்தி உள்ளது என்பது குறிப்பிடத்தக்கது
