தொடர்புடைய செய்திகள்
- அதானி - முதல்வர் ஸ்டாலின் சந்திப்பு.. அமெரிக்க ஊடகத்தின் செய்தியால் பரபரப்பு..!
- தமிழகத்தில் பெய்ய வேண்டிய மழை இலங்கைக்கு மாறியது ஏன்? இதுதான் காரணம்..!
- கனமழை எதிரொலி: பள்ளிகளுக்கு விடுமுறை அறிவிப்பு.. சில தேர்வுகளும் ரத்து..!
- ஆழ்ந்த காற்றழுத்த தாழ்வு மண்டலம் நகரும் வேகம் தொடர்ந்து குறைவு: எப்போது கரையை கடக்கும்?
- இன்று காலை 10 மணி வரை 15 மாவட்டங்களில் மழை: வானிலை எச்சரிக்கை..!
அடுத்த 3 மணி நேரத்தில் வங்கக்கடலில் உருவாகிறது ஃபெங்கல் புயல்.. கனமழை எச்சரிக்கை..!
அடுத்த மூன்று மணி நேரங்களில் வங்கக் கடலில் ஃபெங்கல் புயல் உருவாகும் என அறிவிக்கப்பட்டுள்ள நிலையில், கனமழைக்கான எச்சரிக்கையும் விடுக்கப்பட்டுள்ளது.
தென்மேற்கு வங்கக் கடலில் நிலவும் ஆழ்ந்த காற்றழுத்த தாழ்வு மண்டலம், அடுத்த மூன்று மணி நேரங்களில் புயலாக மாறும் என்று வானிலை ஆய்வு மையம் தெரிவித்துள்ளது. இத்தாழ்வு மண்டலம் சென்னையில் இருந்து 400 கிலோ மீட்டரும், நாகப்பட்டினத்திலிருந்து 310 கிலோ மீட்டர் தொலைவிலும் உள்ளது.
இது மணிக்கு 7 கிலோமீட்டர் வேகத்தில் வடமேற்கு திசையில் நகர்ந்து வருகிறது. நவம்பர் 30 அன்று, காரைக்கால் மற்றும் மாமல்லபுரம் இடையே கரையை கடக்கும் என கணிக்கப்பட்டுள்ளது.
புயல் கரையை கடக்கும் போது மணிக்கு 90 கிலோமீட்டர் வேகத்தில் காற்று வீசக்கூடும். இதனால் வட தமிழகம், புதுச்சேரி, தெற்கு ஆந்திரா பகுதிகளுக்கு ஆரஞ்சு எச்சரிக்கை விடுக்கப்பட்டுள்ளதாக தகவல் வெளியாகியுள்ளது.
சென்னை, செங்கல்பட்டு, திருவள்ளூர், காஞ்சிபுரம் மாவட்டங்களில் இன்றிரவு 7 மணி முதல் கனமழை அதிகரிக்கும் வாய்ப்பு இருப்பதாகவும், வானிலை ஆய்வு மையம் எச்சரிக்கை விடுத்துள்ளது.
Edited by Siva
