சமையல் கேஸ் வெடித்து கணவன்-மனைவி உட்பட 3 பேர் பலி

LPG blast
Veeramani| Last Updated: வியாழன், 3 ஏப்ரல் 2014 (13:00 IST)
சென்னை காசிமேடு பகுதியில் சமையல் கேஸ் கசிந்து வெடித்ததில் கணவன்-மனைவி உட்பட 3 பேர் பலியானார்கள். 13 வயது சிறுமி படுகாயம் அடைந்தாள்.
LPG blast
சென்னை காசிமேடு, முத்தமிழ் நகர், சி பிளாக் பகுதியை சேர்ந்தவர் கிருஷ்ணன்(வயது 56). இவருக்கு சொந்தமான 2 அடுக்கு மாடி குடியிருப்பில் தரை தளத்தில் வசித்து வருகிறார். அதே குடியிருப்பில் அவரது வீட்டுக்கு பக்கத்து வீட்டில் சுப்ரமணி(42) என்பவர் குடும்பத்துடன் வசித்து வந்தார். இவர் ஆட்டோ டிரைவர் ஆவார்.
 
இவருடைய மனைவி துரைச்சி(32). இவர்களுக்கு பிரதீப் என்ற மகனும், முத்துச்செல்வி(13) என்ற மகளும் உள்ளனர். பிரதீப், நெல்லையில் உள்ள உறவினர் வீட்டில் தங்கி இருந்து படித்து வருகிறார். முத்துச்செல்வி மட்டும் பெற்றோருடன் தங்கியிருந்து அந்த பகுதியில் உள்ள பள்ளியில் 7 ஆம் வகுப்பு படித்து வருகிறாள்.
 
நேற்று அதிகாலை 5.50 மணியளவில் சுப்ரமணி வீட்டில் இருந்து பயங்கர வெடிச்சத்தம் கேட்டது. அதிர்ச்சி அடைந்த அக்கம் பக்கத்தினர் வெளியே ஓடி வந்து பார்த்தனர். அப்போது சுப்ரமணி வீட்டின் ஒரு பக்க சுவர் இடிந்து கிடந்தது. சுப்ரமணியும், துரைச்சியும் உடல் சிதைந்து கருகிய நிலையில் வீதியில் பிணமாக கிடந்தனர்.


இதில் மேலும் படிக்கவும் :