வியாழன், 28 மார்ச் 2024
  1. செய்திகள்
  2. செய்திகள்
  3. தேசியச் செய்திகள்
Written By
Last Updated : புதன், 24 ஜூலை 2019 (10:41 IST)

டாய்லெட்டில் சமைப்பதில் என்ன தவறு? பெண் அமைச்சரால் வெடித்தது சர்ச்சை!

அங்கன்வாடி குழந்தைகளுக்கு கழிவறையில் சமைப்பது தவறு இல்லை என அமைச்சர் இமார்த்தி தேவி தெரிவித்துள்ளது சர்ச்சையை ஏற்படுத்தியுள்ளது. 
 
மத்திய பிரதேச மாநிலத்தில் சிவபுரி மாவட்டம் கரோரா என்னும் ஊரில் உள்ள அங்கன்வாடி மையத்தில் குழந்தைகளுக்கு கழிவறையில் உணவு சமைப்பதாக புகார் எழுந்தது. இந்த புகாருக்கு வருந்தாமல் மத்திய பிரதேச அமைச்சர் இமார்த்தி தேவி இதில் தவறில்லை என கூறியிருப்பது சர்ச்சையை ஏற்படுத்தியுள்ளது. 
 
உணவு சமைக்க பயன்படும் பாத்திரம் கழிவறை மேல், சிலிண்டர் மற்றும் ஸ்டவ் கழிவறையில் வைக்கப்பட்டுள்ளது என புகார் எழுந்த நிலையில், அமைச்சர் இமார்த்தி தேவி அங்கன்வாடி குழந்தைகளுக்கு கழிவறையில் சமைப்பது தவறு இல்லை என தெரிவித்துள்ளார். 
மேலும், வீட்டில் குளியலறையும் கழிவறையும் இருப்பதால் உறவினர்கள் தங்களது வீட்டில் சாப்பிட மறுப்பார்களா? குளியறையில் பாத்திரம் வைக்கலாம். அங்கன்வாடி மையத்தில் கழிவறைக்கும் சமைக்கும் இடத்திற்கும் இடைவெளி உள்ளது. இருப்பினும் இது குறித்து விசாரனை நடைபெற்று வருகிறது என தெரிவித்துள்ளார். 
 
இந்த சம்பவம் குறித்து விசாரணை நடைபெருவதாக அவர் கூறினாலும், கழிவறையில் சமைப்பதில் தவறில்லை என கூறியிருப்பது சர்ச்சையை ஏற்படுத்தியுள்ளது.