மும்பை தாராவியில் விஜய் வசந்த், திருமாவளவன் பிரச்சாரம்.. இந்தியா கூட்டணி வேட்பாளருக்கு ஆதரவு..!
மும்பை தாராவில் தமிழக எம்பிக்களான விஜய் வசந்த் மற்றும் திருமாவளவன் இந்தியா கூட்டணி வேட்பாளரை ஆதரித்து பிரச்சாரம் செய்ததாக தகவல் வெளியாகி உள்ளது.
மகாராஷ்டிரா மாநிலத்தில் வரும் 20ஆம் தேதி சட்டமன்ற தேர்தல் நடைபெற உள்ளது. காங்கிரஸ் தலைமையிலான கூட்டணி மற்றும் பாஜக தலைமையிலான கூட்டணி நேருக்கு நேர் மோதும் நிலையில், தேர்தல் பிரச்சாரம் தீவிரமாக நடந்து வருகிறது.
இந்நிலையில் மும்பை தாராவில் தமிழக மக்கள் அதிகமாக வசிக்கும் காரணத்தினால், அங்கு பிரச்சாரம் மேற்கொள்ள முக்கியத்துவம் பெற்றது., தமிழக எம்பிக்கள் விஜய் வசந்த் மற்றும் திருமாவளவன் இருவரும் இணைந்து மும்பையில் தாராவியில் பிரச்சாரம் செய்தனர். இந்தியா கூட்டணியின் வேட்பாளர் ஜோதி கெய்க்வாட் அவர்களுக்கு ஆதரவாக இருவரும் பிரச்சாரம் செய்தது குறிப்பிடத்தக்கது.
இதன் மூலம், மகாராஷ்டிரா மாநிலத்தில் தமிழக மக்கள் ஓட்டுகளை இந்தியா கூட்டணிக்கு திரட்டும் முயற்சியாக இந்த பிரச்சாரம் அமைந்தது.
Edited by Siva
