கர்நாடகாவில் தமிழக குடும்பத்தினரை உயிருடன் எரிக்க முயற்சி
கர்நாடகா மாநிலம் மாண்டியாவில் நடைப்பெற்ற கலவரத்தில் தமிழ்நாட்டை சேர்ந்த குடும்பத்தினர் மீது கலவரத்தில் ஈடுப்பட்ட கும்பல் ஒன்று பெட்ரோல் ஊற்றி எரிக்க முயற்சித்துள்ளனர்.
தர்மபுரி மாவட்டம் பாலக்கோடு பகுதியை சேர்ந்த இஸ்லாமியர் ஒருவர் தனது உறவினர்களுடன் மாண்டியாவிற்கு சென்று, வீடு திரும்பி கொண்டிருந்தார். மாண்டியா புறநகர் பகுதியில் கலவர கும்பல் காரில் இருந்தவர்களை பெட்ரோல் ஊற்றி எரிக்க முயன்றுள்ளனர்.
அதிலிருந்து தப்பிய இஸ்லாமிய குடும்பத்தினர் காட்டுக்குள் தப்பியோடி உயிர் பிழைத்தனர். பின்னர் ரயில் மூலம் சொந்த ஊர் திரும்பினர்.
இதையடுத்து காவல்துறை கண்காணிப்பாளர் மற்றும் மாவட்ட ஆட்சியர் ஆகியோரிடம் புகார் மனு கொடுத்தனர். அவர்கள் இழந்த கார் மற்றும் உடைமைகளுக்கு இழப்பீடு வழங்க வேண்டி மனுவில் குறிப்பிட்டுள்ளனர்.
