ஜார்க்கண்ட் முதலமைச்சராக பதவியேற்கிறார் ஹேமந்த் சோரன்.. ஆளுநர் அழைப்பு..!
ஜார்கண்ட் மாநில முதலமைச்சர் ஆக பதவி ஏற்க ஆளுநர் அழைப்பு விடுத்த நிலையில் இன்று மாலை முதலமைச்சராக ஹேமந்த் சோரன் பதவி ஏற்க இருப்பதாக தகவல் வெளியாகி உள்ளன.
ஜார்க்கண்ட் மாநில முதலமைச்சராக இன்று மாலை 5 மணிக்கு பதவியேற்கிறார் ஹேமந்த் சோரன் என்றும் ஆளுனர் அவருக்கு பதவிப்பிரமாணம் செய்து வைக்க இருப்பதாகவும் தகவல் வெளியானது.
முன்னதாக நேற்று ஜார்க்கண்ட் மாநில முதலமைச்சராக இருந்த சம்பாய் சோரன் ராஜினாமா செய்த நிலையில், மீண்டும் ஆட்சியமைக்க உரிமை கோரினார் ஹேமந்த் சோரன். அவரது அழைப்பை ஏற்று பதவியேற்க ஆளுநர் அழைப்பு விடுத்த நிலையில், இன்று மாலையே முதல்வராக பதவியேற்கிறார் ஹேமந்த் சோரன் என்பது குறிப்பிடத்தக்கது.
முன்னதாக பண மோசடி வழக்கில் அமலாக்கத்துறையால் முன்னாள் முதல்வர் ஹேமந்த் சோரன் கைது செய்யப்பட்டதால் சம்பய் சோரன் என்பவர் முதல்வராக பதவியேற்றார் என்பதும் ஹேமந்த் சோரன் அவர்களுக்கு ஜாமீன் கிடைத்தது என்பதும் குறிப்பிடத்தக்கது.
Edited by Mahendran
