அயர்ன்மேன் கதாப்பாத்திரத்தில் டாம் க்ரூஸ்? – ரசிகர்கள் எதிர்பார்ப்பு!
பிரபல மார்வெல் கதாப்பாத்திரமான அயர்ன்மேனாக டாம் க்ரூஸ் நடிப்பதாக வெளியாகியுள்ள தகவல் ரசிகர்களிடையே உற்சாகத்தை ஏற்படுத்தியுள்ளது.
ஹாலிவுட்டில் பிரபலமான சூப்பர்ஹீரோ படங்களை தயாரித்து வரும் மார்வெல் ஸ்டுடியோஸிற்கு உலகம் முழுவதும் ரசிகர்கள் உள்ளனர். சமீபத்தில் வெளியான மார்வெலின் ஸ்பைர்டர்மேன் நோ வே ஹோம் பல ஆயிரம் கோடிகளை வசூல் செய்து சாதனை படைத்தது.
அதை தொடர்ந்து வரும் மே மாதம் டாக்டர் ஸ்ட்ரேஞ்ச் மல்டிவெர்ஸ் ஆப் மேட்னஸ் வெளியாக உள்ளது. மல்டிவெர்ஸ் கான்செப்டை மையப்படுத்திய இந்த படம் ரசிகர்களிடையே பெரும் எதிர்பார்ப்பை ஏற்படுத்தியுள்ளது. இந்த படத்தில் புகழ்பெற்ற அயர்ன்மேன் கதாபாத்திரத்தில் டாம் க்ரூஸ் நடிப்பதாக தகவல்கள் வெளியாகியுள்ளது.
முன்னதாக அயர்ன்மேன் படத்தில் நடிக்க டாம் க்ரூஸை கேட்டதாகவும், அவர் அந்த சமயம் பிஸியாக இருந்ததால் ராபர்ட் டோனி ஜூனியர் அதில் நடித்ததாகவும் கூறப்பட்டது. இந்நிலையில் ஒருவழியாக டாம் க்ரூஸ் அயர்ன்மேன் கதாப்பாத்திரத்தில் நடிப்பதாக வெளியாகியுள்ள தகவல் ரசிகர்களிடையே எதிர்பார்ப்பை ஏற்படுத்தியுள்ளது.
