ரீசார்ஜ் வித் கேஷ்பேக்: அசத்தல் ப்ளானுடன் ஏர்டெல்!!

ஏர்டெல் நிறுவனம் தனது பிரீபெயிட் வாடிக்கையாளர்களுக்கு கேஷ்பேக்குடன் கூடிய ரீசார்ஜ் திட்டத்தை அறிமுகம் செய்துள்ளது. 

ரிலையன்ஸ் ஜியோவுடனான போட்டி மற்றும் தொடர் நஷ்டத்திற்கு இடையில் ஏர்டெல் நிறுவனம் தனது வாடிக்கையாளர்களுக்கு சலுகைகளை அறிவித்துக்கொண்டே இருக்கிறது. அந்த வகையில் தற்போது ரூ. 279 , ரூ. 379 என 2 புதிய சலுகைகளை அறிவித்துள்ளது. 

ஏர்டெல் ரூ. 279 ரீசார்ஜ்: 

புதிய ரூ. 279 சலுகையில் தினமும் 1.5 ஜி.பி. டேட்டா, தினமும் 100 எஸ்.எம்.எஸ். மற்றும் அன்லிமிட்டெட் வாய்ஸ் கால் 28 நாட்களுக்கு வழங்கப்படுகிறது.ரூ. 4 லட்சத்திற்கான உயிர் காப்பீடு திட்டம் வழங்கப்படுகிறது. இத்துடன் ஃபாஸ்டாக் வாங்கும் வாடிக்கையாளர்களுக்கு ரூ. 100 கேஷ்பேக் வழங்கப்படுகிறது.  

ஏர்டெல் ரூ. 379 ரீசார்ஜ்: 

புதிய ரூ. 379 சலுகையில் மொத்தம் 6 ஜி.பி. அதிவேக டேட்டா, 900 எஸ்.எம்.எஸ்., அன்லிமிட்டெட் வாய்ஸ் கால் உள்ளிட்டவை 84 நாட்களுக்கு வழங்கப்படுகிறது. இத்துடன் வின்க் மியூசிக், ஏர்டெல் எக்ஸ்டிரீம் செயலியை பயன்படுத்தும் வசதி மற்றும் ஃபாஸ்டாக் வாங்குவோருக்கு ரூ. 100 கேஷ்பேக் வழங்கப்படுகிறது.