Daily Horoscope
✕

ஐபிஎல் திருவிழா 2024: இன்று கொல்கத்தாவை எதிர்கொள்ளும் பஞ்சாப் கிங்ஸ்!

Written By vinoth
Updated: வெள்ளி, 26 ஏப்ரல் 2024 (11:04 IST)
ஐபிஎல் தொடரின் 17 ஆவது சீசன் கடந்த மாதம் தொடங்கி தற்போது விறுவிறுப்பாக நடந்து வருகிறது. இதுவரை அனைத்து அணிகளும் 7 போட்டிகளுக்கு மேல் விளையாடியுள்ளன. இப்போது லீக் சுற்றின் இரண்டாவது பாதி விறுவிறுப்பாக நடந்து வருகின்றன. இதுவரையிலான போட்டிகளின் முடிவில் ராஜஸ்தான் ராயல்ஸ், சன் ரைசர்ஸ் ஐதராபாத், கொல்கத்தா நைட் ரைடர்ஸ் மற்றும் லக்னோ சூப்பர் ஜெயண்ட்ஸ் ஆகிய அணிகள் முதல் நான்கு இடங்களில் உள்ளன.

இந்நிலையில் இன்று கொல்கத்தாவில் நடக்கும் 42 ஆவது போட்டியில் புள்ளிப்பட்டியலின் இரண்டாம் இடத்தில் இருக்கும் கொல்கத்தா நைட் ரைடர்ஸ் அணியை புள்ளிப்பட்டியலில் ஒன்பதாவது இடத்தில் இருக்கும் பஞ்சாப் கிங்ஸ் அணி எதிர்கொள்கிறது.

இந்த சீசனில் ஆரம்பத்தில் இருந்தே அதிரடியாக விளையாடி 5 வெற்றிகளைப் பெற்றுள்ள கொல்கத்தா நைட் ரைடர்ஸ் அணி பேட்டிங் மற்றும் பவுலிங் என இரண்டு துறைகளிலும் பலமாக உள்ளது. எதிர்புறத்தில் பஞ்சாப் அணியில் நட்சத்திர வீரர்கள் தொடர்ந்து சொதப்பி வருகின்றனர். அந்த அணியில் ஷஷாங்க் மற்றும் அஷுடோஷ் போன்ற இளம் வீரர்களே போராடி சில வெற்றிகளைப் பெற்றுக் கொடுத்துள்ளனர். இன்றைய போட்டியில் பஞ்சாப் அணி வென்றால் மட்டுமே ப்ளே ஆஃப் வாய்ப்பை தக்கவைக்க முடியும் என்பதால் கடுமையாக போராடும் என எதிர்பார்க்கலாம். 

எல்லாம் காட்டு

சில அத்தியாயங்கள் முடிவுக்கு வருவது நல்லது.. தோனி ஓய்வு குறித்து மனைவி சாக்சி..

தோனியின் ஐபிஎல் வாழ்க்கை முடிந்தது.. இனி சிஎஸ்கேவில் இல்லை.. அடுத்தது என்ன?

தோனியை சிஎஸ்கே விடுவிக்குமா? பயிற்சியாளராக மாறுகிறாரா? முடிவெடுக்க இன்று கடைசி நாள்...

2031ஆம் ஆண்டின் உலகக்கோப்பை போட்டி இந்தியாவில் தான்.. கிரிக்கெட் ரசிகர்கள் உற்சாகம்...

பயிற்சி முகாமில் இருந்து திடீரென விலகிய பீட்டர்சன்.. பயிற்சியை விட இந்தியாவுக்கு செல்வது முக்கியமா?

அடுத்த கட்டுரையில்
Show comments