வெள்ளி, 29 மார்ச் 2024
  1. விளையாட்டு
  2. கிரிக்கெட்
  3. செய்திகள்
Written By Sugapriya Prakash
Last Updated : செவ்வாய், 10 டிசம்பர் 2019 (18:35 IST)

இந்திய அணிக்கு திரும்புவேனா? ஜகா வாங்கும் ஹர்திக் பாண்டியா

இந்திய அணிக்கு உடனடியாக திரும்புவதில் அவசரம் காட்டக்கூடாது என இருக்கிறேன் என ஹர்திக் பாண்டியா தெரிவித்துள்ளார். 
 
தென் ஆஃப்ரிக்காவிற்கு எதிரான டி 20 போட்டியின் போது, ஹர்திக் பாண்டியா முதுகில் காயம் ஏற்பட்டது. இதனை தொடர்ந்து ஹர்திக் பாண்டியாவிற்கு லண்டனில் அறுவை சிகிச்சை நடைபெற்றது.
 
இந்நிலையில் ஹர்திக் பாண்டியா இந்திய அணிக்கு திரும்புவது குறித்து பேசியுள்ளார். அவர் கூறியதாவது, உண்மையை சொல்ல வேண்டுமென்றால், தற்போது மிகவும் நன்றாக இருப்பதாக உணர்கிறேன். காயத்தில் இருந்து மீண்டும் வருகிறேன். 
 
அறுவை சிகிச்சைக்குப்பின் அணிக்கு திரும்புவது எளிதாக காரியம் அல்ல. அணிக்கு உடனடியாக திரும்புவதில் அவசரம் காட்டக்கூடாது என இருக்கிறேன். காயம் எளிதானதல்ல ஆனால், பொறுமை முக்கியமானது என தெரிவித்துள்ளார்.