யாருக்கு வாக்களிக்க வேண்டும்: பார்த்திபன் பரப்பரப்பு பேட்டி
யாருக்கு வாக்களிக்க வேண்டும் என்று நடிகர் பார்த்திபன் தெரிவித்துள்ளார்.
சட்டசபை தேர்தலில் வாக்களித்த பார்த்திபன் செய்தியாளர்களிடம் பேசிய போது கூறியதாவது:-
வேட்பாளர் குறித்து நன்றாக தெரிந்து கொண்டு ஓட்டுப் போட வேண்டும். வேட்பாளர் பற்றிய திருப்தி இல்லையென்றால் நோட்டாவுக்கு ஓட்டுப் போடுங்கள். இளைஞர்களில் ஏராளமானோர் நோட்டாவுக்கு தங்கள் வாக்குகளைப் போட தயாராக உள்ளனர்.
நோட்டாவை பற்றி நான் தொடர்ந்து பேசுவதால் ஏதோ நான் அதற்கு தான் வாக்களிக்கப் போகிறேனோ என்ற பிம்பம் வேண்டியதில்லை. அது நான் தேர்ந்தெடுக்கப் போகும் தொகுதியின் வேட்பாளரை பொறுத்ததாகும். அது அந்த மின்னணு இயந்திரத்தின் இதயத்தோடு நான் பதியப் போகும் ரகசியம்.
