கிரிக்கெட்டுக்கு எப்படி சச்சினோ… அதுபோல கமர்ஷியல் சினிமாவுக்கு ஷங்கர்- ராம்சரண் புகழ்ச்சி!

ஆர் ஆர் ஆர் படத்துக்குப் பிறகு இந்திய சினிமாவின் பிரபலமான நடிகர்களில் ஒருவராக உருவாகியுள்ளார் ராம்சரண். கேம்சேஞ்சர் படத்தை ஷங்கர் இயக்க தெலுங்கு தயாரிப்பாளர் தில் ராஜூ தயாரிக்கிறார். இந்த படத்துக்கு இயக்குனர் கார்த்திக் சுப்பராஜ் கதை எழுதியுள்ளார். படத்தில் வில்லனாக எஸ் ஜே சூர்யா நடிக்கிறார். தமன் முதல் முதலாக ஷங்கர் படத்துக்கு இசையமைக்கிறார்.

இந்த படம் கிட்டத்தட்ட 2 ஆண்டுகளாக உருவாகி வருகிறது. இதையடுத்து படம் ஜனவரி 10 ஆம் தேதி ரிலீஸாகவுள்ளது. படத்தின் டிரைலர் சமீபத்தில் ரிலீஸாகி கலவையான விமர்சனங்களைப் பெற்றது. ஷங்கரின் அதே டெம்ப்ளேட் வகை கதையாகதான் இந்த படமும் இருக்கப் போகிறது என்ற பிம்பத்தைக் கொடுத்துள்ளது. படம் ஜனவரி 10 ஆம் தேதி ரிலீஸாகிறது.

இதையடுத்து அமெரிக்காவின் டல்லாஸில் படத்தின் ப்ரமோஷன் நிகழ்ச்சி நடந்தது. அதில் கலந்துகொண்ட ராம்சரண் ஷங்கர் பற்றி பேசும்போது “இயக்குனர் ஷங்கர் இயக்கத்தில் நடிக்க வேண்டும் என்பது என்னுடைய கனவு. அது நடக்கும் என்று நான் நினைத்ததே இல்லை. கிரிக்கெட்டுக்கு எப்படி சச்சினோ, அதுபோல சினிமாவுக்கு ஷங்கர், எப்போதுமே அவர் நம்பர் 1 கமர்ஷியல் இயக்குனர்.” எனப் பாராட்டியுள்ளார்.