விடாமுயற்சி படத்தின் கதைப் பற்றி மகிழ் திருமேனி பகிர்ந்த தகவல்!
அஜித் நடிப்பில் மகிழ் திருமேனி இயக்கத்தில் லைகா புரொடக்ஷன்ஸ் தயாரிப்பில் உருவாகியுள்ள திரைப்படம் விடாமுயற்சி. படத்தில் அஜித்தோடு, அர்ஜுன், ஆர்வ, த்ரிஷா, ரெஜினா உள்ளிட்ட பலர் நடித்துள்ளனர். ஓம் பிரகாஷ் ஒளிப்பதிவாளராகப் பணியாற்ற அனிருத் இசையமைக்கிறார். ஓம்பிரகாஷ் ஒளிப்பதிவு செய்துள்ளார்.
இந்த படம் பொங்கல் பண்டிகையை முன்னிட்டு ரிலீஸாகும் என அறிவிக்கப்பட்டிருந்தது. இதனால் இரண்டு ஆண்டுகளுக்குப் பிறகு அஜித்தைத் திரையில் பார்க்கும் ஆர்வத்தில் அவரது ரசிகர்கள் உற்சாகத்தில் இருந்தன. ஆனால் திடீரென்று லைகா நிறுவனம் படம் பொங்கலுக்கு ரிலீஸாகாது என அறிவித்தது. இதையடுத்து ஜனவரி இறுதியில் இந்த படம் ரிலீஸாகலாம் என சொல்லப்படுகிறது.
இந்நிலையில் படத்தின் கதை பற்றி பேசியுள்ள இயக்குனர் மகிழ் திருமேனி “ஒரு மனிதன் சோர்வடையாமல் மேற்கொள்ளும் விடாமுயற்சிதான் இந்த படத்தின் கதை. இந்த படத்தில் அஜித்தின் கதாபாத்திரத்துக்குப் பல லேயர்கள் உள்ளன. கதைகருவுடன் உறவுகள் சம்மந்தப்பட்ட ஒரு விஷயமும் இருக்கிறது. ” எனக் கூறியுள்ளார்.
