ஜோக்கர் - ஒரு படைப்பாளியின் பயணம்

இந்த வருடம் அனைவரும் எதிர்பார்க்கும் திரைப்படம், எழுத்தாளர், இயக்குனர் ராஜு முருகனின் ஜோக்கர். அரசியல் நையாண்டி படமான இது குறித்து நிறைய எதிர்ப்பார்ப்பு நிலவுகிறது.

இந்தப் படத்தை எடுக்க ராஜு முருகனுக்கு தூண்டுதலாக அமைந்தது எது? 

ராஜு முருகன் தனது முதல் படம் குக்கூ முடிந்த பிறகு தமிழகம் முழுவதும் தனிப்பட்ட முறையில் சுற்றுப்பயணம் சென்றிருக்கிறார். வறுமைக்கோட்டிற்கு கீழ் அதிக மக்கள் வாழ்ந்து வருவது அவரை அதிர்ச்சிக்கு உள்ளாக்கியிருக்கிறது. அவர்களின் வாழ்க்கை ஏற்படுத்திய பாதிப்பில் அவர் எழுதியதுதானாம் ஜோக்கர் கதை.

ஆரண்ய காண்டம் படத்தில் நடித்த சோம சுந்தரம்தான் படத்தின் முதன்மை கதாபாத்திரம். ஹீரோயிசமில்லாத ஒரு முதன்மை கதாபாத்திரத்துக்காகவே ஜோக்கரை கொண்டாடலாம்.