16 படங்களுக்குப் பின் இணைந்த தனுஷ் & அனிருத்!
நடிகர் தனுஷும் இசையமைப்பாளர் அனிருத்தும் மீண்டும் திருச்சிற்றம்பலம் படத்தில் இணைந்துள்ளனர்.
இசையமைப்பாளர் அனிருத்தி சினிமாவுக்கு அறிமுகப்படுத்தியவர் நடிகர் தனுஷ். அவர்கள் கூட்டணியில் உருவான 3 படக் கூட்டணியில் பாடல்கள் மிகப்பெரிய ஹிட்டாகின. அதன் பின்னர் தனுஷோடு பல படங்களில் அவர் பணிபுரிந்தார். எல்லா பாடல்களுமே ஹிட்டாகின.
ஆனால் ஒரு கட்டத்தில் இருவருக்கும் இடையே மனக்கசப்பு எழுந்து பிரிந்தனர். கடைசியாக தங்கமகன் படத்தில்தான் பணிபுரிந்தனர். அதன் பின்னர் தனுஷ் 16 படங்களில் அனிருத் வேண்டாம் என ஒதுக்கி வைத்து விட்டார். இந்நிலையில் இப்போது சன் பிக்சர்ஸ் தயாரிப்பில் மித்ரன் ஆர் ஜவஹர் இயக்கும் படத்தில் அனிருத் ஒப்பந்தம் செய்யப்பட்டுள்ளார். சில ஆண்டு இடைவெளிக்குப் பின்னர் இருவரும் இணைந்துள்ளதால் ரசிகர்கள் மத்தியில் எதிர்பார்ப்பு அதிகமாகியுள்ளது.
