கேரளாவில் ரி ரிலீஸ் ஆகும் சூர்யா முருகதாஸின் சூப்பர்ஹிட் திரைப்படம்!
நடிகர் சூர்யா நடிப்பில் ஏ ஆர் முருகதாஸ் இயக்கிய கஜினி திரைப்படம் மிகப்பெரிய வெற்றி பெற்றது. இந்த திரைப்படத்தில் முதலில் அஜித் நடிப்பதாக இருந்து பின்னர் அதிலிருந்து வெளியேறினார். அதன் பின்னர் சூர்யா, அசின் மற்றும் நயன்தாரா காம்பினேஷனில் இந்த படம் உருவானது. படம் வெளியான போது மிகப்பெரிய அளவில் கவனம் ஈர்த்தது. குறிப்பாக சூர்யா, அசின் ஜோடியின் காதல் காட்சிகளும் படத்தின் பாடல்களும் ரசிகர்களால் சிலாகிக்கப்பட்டன.
கஜினி படம் மிகப்பெரிய வெற்றி பெற்றதை அடுத்து பாலிவுட்டில் ரீமேக் செய்யப்பட்டது. பாலிவுட்டில் முதல் முதலில் 200 கோடி ரூபாய் வசூல் செய்த படம் என்ற சாதனையை கஜினி நிகழ்த்தியது.
இந்நிலையில் இப்போது பழைய ஹிட் படங்களை ரி ரிலீஸ் செய்யும் போக்கு அதிகமாகியுள்ள நிலையில் கஜினி படத்தை கேரளாவில் ஜூன் 7 ஆம் தேதி ரி ரிலீஸ் செய்ய உள்ளனர். அதே நாளில் தமிழில் இந்தியன் திரைப்படம் ரி ரிலீஸ் ஆகிறது என்பது குறிப்பிடத்தக்கது.
