தென்காசி பெண்ணாக மாறுகிறார் சமந்தா!
சிவகார்த்திகேயன் நடித்த 'வேலைக்காரன்' படத்தின் படப்பிடிப்பு முடிவடைந்துவிட்ட நிலையில் தற்போது அவர் நடித்து வரும் அடுத்த படத்தின் படப்பிடிப்பு விறுவிறுப்புடன் நடந்து வருகிறது.
'வருத்தப்படாத வாலிபர் சங்கம்', 'ரஜினிமுருகன்' படங்களை இயக்கிய பொன்ராம் இயக்கும் இந்த படத்தில் சிவகார்த்திகேயனுக்கு ஜோடியாக சமந்தா நடித்து வருகிறார். இந்த படத்தில் சமந்தா தென்காசி பெண்ணாக நடித்து வருவதாகவும், அவரது காஸ்ட்யூம்கள் பெரும்பாலும் பாவாடை தாவணிதான் என்றும் படக்குழுவினர் தெரிவித்தனர். இதை உறுதி செய்வது போல் நேற்று சமந்தாவின் ஸ்டில் ஒன்று வெளியாகியுள்ளது
கவர்ச்சி இல்லாமல் முதன்முதலாக படம் முழுவதும் ஃபேமிலி லுக்கில் சமந்தா நடித்து வரும் இந்த படம் திருமணத்திற்கு முன் அனேகமாக சமந்தா நடிக்கும் கடைசி படமாக இருக்கும் என்று எதிர்பார்க்கப்படுகிறது. சமந்தாவின் திருமணம் வரும் அக்டோபர் மாதம் 6 முதல் 8 வரை கோவாவில் நடைபெறவுள்ளது என்பது குறிப்பிடத்தக்கது.
