ஹிப் ஹாப் ஆதியின் வெற்றிக்கு பின்னால் இருக்கும் பெண்!!
தமிழகத்தில் பிரபலமான ஹிப் ஹாப் ஆதி இசையமைப்பாளராக வர ஒரு பெண் காரணமாக இருந்துள்ளார் என தெரியவந்துள்ளது.
ஹிப் ஹாப் ஆதி தமிழ் சினிமா படங்களில் இசையமைப்பாளராக பணிபுரிந்துள்ளார். ஆம்பள, தனி ஒருவன், இன்று நேற்று நாளை, அரண்மனை 2, கவண் ஆகியவை இவற்றில் குறிப்பிடத்தக்க படங்கள்.
தற்போது மீசையை முறுக்கு என்ற படத்தை இயக்கி நடித்துள்ளார். இந்நிலையில், இவர் இசையமைப்பாளராக உருவாக இசைப்புயல் ஏ.ஆர்.ரஹ்மான் அவர்களின் சகோதரியும், இசையமைப்பாளருமான ஏ.ஆர்.ரெஹானாவே காரணம் என தெரியவந்துள்ளது.
தொடக்க காலத்தில் இசை ஆல்பம் வெளியிட்டு வந்த ஆதியை, சினிமா இசையமைக்க முயற்சி செய்யும்படி ரெஹானா தொடர்ந்து ஊக்குவித்து வந்துள்ளார்.
இதனாலேயே தான் இசையமைப்பாளராக வர முடிந்தது என்று ஆதி தெரிவித்துள்ளார்.
