‘’ஜெயிலர் ‘’ பட இசை நிகழ்சி சன்டிவியில் வரும் ஞாயிற்றுக்கிழமை மாலை 6 மணிக்கு ஒளிபரப்பாகும் என்று அதிகாரப்பூர்வமாக சன்பிக்சர்ஸ் அறிவித்துள்ளது.
ரஜினிகாந்த், சிவராஜ்குமார், மோகன்லால், தமன்னா, ரம்யா கிருஷ்ணன், சுனில், ஜாக்கி ஷெராப், வசந்த் ரவி, விநாயகன், யோகிபாபு, ரெடின் கிங்ஸ்லி, உட்பட பலர் நடிப்பில், நெல்சன் இயக்கத்தில் உருவாகியுள்ள படம் ஜெயிலர்.
சன் பிக்சர்ஸ் தயாரித்துள்ள இப்படத்திற்கு அனிருத் இசை அமைத்துள்ளார். ‘ஜெயிலர்’ திரைப்படம் பான் இந்தியா படமாக உருவாகியுள்ள இப்படம் வரும் ஆகஸ்ட் 10 ஆம் தேதி ரிலீஸாகவுள்ளது.
இப்படத்தில் முதல் சிங்கில் காவாலா, 2 வது சிங்கில் குஹூம், 3 வது சிங்கில் ஜுஜுபி நேற்று முன்தினம் ரிலீஸானது. இந்த நிலையில் நேற்று இப்படத்தின் சென்சார் சான்றிதழ் கிடைத்தது. அதில், இப்படம் 2 மணி நேரம் 49 நிமிடங்கள் ரன்னிங் டைம் எனவும், யு/ஏ சான்றிதல் கிடைத்துள்ளதாகவும் தகவல் வெளியானது.
இப்படத்தில் இசை வெளியீட்டு விழா, நேற்று, சென்னை நநேரு உள்விளையாட்டு அரங்கில் நடைபெற்றது.
பிரமாண்டமாக நடைபெறும் இந்த நிகழ்ச்சியில் நடிகர் ரஜினிகாந்த், அனிருத், நெல்சன், உள்ளிட்ட பிரபலங்கள் பன்கேற்றனர்.
இந்த நிகழ்ச்சியில் பேசிய நடிகர் ரஜினிகாந்த், என் அனுபவத்தில் கூறுகிறேன் மது அருந்தாதீர்கள் என்று ரசிகர்களுக்கு அறிவவுரை கூறினார். மேலும், இந்தக் குடிப்பழக்கம் மட்டும் இல்லாமல் இருந்திருந்தால் இப்போது இருப்பதைவிட எங்கோ இருந்திருப்பேன் குடிப்பழக்கம் எனக்கு நானே வைத்துக் கொண்ட சூனியம் என்று கூறினார். அதேபோல் சூப்பர் ஸ்டார் பட்டம் பற்றி பருந்து, காக்கையைப் பற்றி குட்டிக் கதை கூறினார். இவரது பேச்சி சினிமா வட்டாரத்தில் பேசு பொருளாகியுள்ளது.
இதனால் இந்த நிகழ்ச்சி பற்றியும் இப்படத்தின் மீதான எதிர்பார்ப்பும் அதிகரித்தது.
இந்த நிலையில், ஜெயிலர் பட நட்சத்திரங்கள் சினிமா பிரபலங்கள் ரசிகர்கள் ஆயிரக்கணக்கானோர் பங்கேற்ற இந்த ஜெயிலர் பட இசை நிகழ்ச்சி வரும் ஞாயிற்றுக் கிழமை 6 ஆம் தேதி சன்டியில் மாலை 6 மணிக்கு ஒளிபரப்பாகும் என்று அதிகாரப்பூர்வமாக சன்பிக்சர்ஸ் அறிவித்துள்ளது. இதனால் ரசிகர்கள் மகிழ்ச்சியடைந்துள்ளனர்.
