ரஷ்ய மொழியில் டப் ஆகி வெளியாகவுள்ள கல்கி திரைப்படம்… ரிலீஸ் தேதி அறிவிப்பு!
பிரபாஸ், கமல்ஹாசன், அமிதாப் பச்சன், தீபிகா படுகோன், திஷா பதானி உள்ளிட்ட பலர் நடித்துள்ள கல்கி திரைப்படத்தை வைஜெயந்தி மூவிஸ் தயாரிக்க நாக் அஸ்வின் இயக்கினார். இரண்டு பாகங்களாக உருவான இந்த படத்தின் முதல் பாகம் ஜூன் 27 ஆம் தேதி உலகம் முழுவதும் ரிலீஸாகி மிகப்பெரிய வெற்றியை ருசித்துள்ளது. இந்த படம் திரையரங்குகள் மூலமாக மட்டும் 1100 கோடி ரூபாய்க்கு மேல் வசூலித்து சாதனைப் படைத்துள்ளது.
இப்போது படத்தின் ஓடிடி ரிலீஸ் பற்றிய அதிகாரப்பூர்வ அறிவிப்பு வெளியாகியுள்ளது. அதன்படி தென்னிந்திய மொழிகளில் ப்ரைம் வீடியோவில் இந்த படம் ஆகஸ்ட் 22 ஆம் தேதி ரிலீஸாகி நல்ல வரவேற்பைப் பெற்றது.
இந்நிலையில் இப்போது கல்கி திரைப்படம் ரஷ்யன் மொழியில் டப் செய்யப்பட்டு நவம்பர் 1 ஆம் தேதி ரிலீஸாகவுள்ளதாக சொல்லப்படுகிறது. இந்த படம் ரஷ்யத் திரைப்பட விழாவில் ரிலீஸாகி அங்குள்ள ரசிகர்களின் கவனத்தை ஈர்த்திருந்தது என்பது குறிப்பிடத்தக்கது.
