காஜல் அகர்வால் கதாநாயகியாக நடிக்கும் சத்யபாமா படத்தின் போஸ்டர் ரிலீஸ்!
தமிழ் சினிமாவின் முன்னணி நடிகைகளில் ஒருவரான நடிகை காஜல் அகர்வால் முன்னணி நடிகர்கள் பலருடன் சேர்ந்து நடித்துவிட்டார். தமிழ் சினிமா மட்டுமின்றி தெலுங்கு, கன்னடம் போன்ற வேற்று மொழி படங்களிலும் நடித்து தூள் கிளப்பி வருகிறார் காஜல்.
இந்நிலையில் கடந்த லாக்டவுனின் போது அவர் தொழிலதிபர் ஒருவரை திருமணம் செய்துகொண்டார். அதையடுத்து கர்ப்பமான அவர், அதை ரசிகர்களுக்கு அறிவித்து, கர்ப்பகால புகைப்படங்களையும் பகிர்ந்திருந்தார். அதையடுத்து சமீபத்தில் அவர்களுக்கு ஆண் குழந்தை பிறந்துள்ளது.
அந்த குழந்தைக்கு நீல் என பெயர் வைத்துள்ளனர். இதையடுத்து இதுவரை காஜல் தனது குழந்தையின் முகம் தெரியாதவாறு இருக்கும் புகைப்படங்களையே பகிர்ந்து வந்த நிலையில், சமீபத்தில் முதல் முறையாக குழந்தையின் முகம் தெரியும் புகைப்படத்தைப் பகிர்ந்துள்ளார்.
இப்போது இந்தியன் 2 படத்தில் நடித்து வரும் காஜல் அகர்வால் சத்யபாமா என்ற படத்தில் கதையின் நாயகியாக நடிக்கிறார். போலீஸ் அதிகாரியாக இந்த படத்தில் நடிக்கும் காஜல் அகர்வாலின் கதாபாத்திர லுக் தற்போது வெளியாகி கவனம் பெற்றுள்ளது. இந்த படத்தை இயக்குனர் சுமன் சிக்கலா இயக்குகிறார்.
