ராம்சரண் படத்தில் இருந்தும் விலகினாரா ஏ ஆர் ரஹ்மான்?... படக்குழு அளித்த பதில்!
தெலுங்கு சினிமாவின் முன்னணி நடிகர் ராம்சரண். இவர் இவர் நடிப்பில் சமீபத்தில் வெளியான ஆர் ஆர் ஆர் திரைப்படம் 1000 கோடி ரூபாய்க்கு மேல் வசூல் செய்தது. அதையடுத்து அவர் ஷங்கர் இயக்கத்தில் கேம்சேஞ்சர் என்ற படத்தில் நடித்தார். அந்த படம் ஜனவரி 10 ஆம் தேதி ரிலீஸாகி மிகப்பெரிய தோல்விப் படமாக அமைந்தது.
இதையடுத்து ராம்சரண், தற்போது உப்பென்னா படத்தின் இயக்குனர் புச்சிபாபு சனா இயக்கத்தில் ஒரு படத்தில் நடித்து வருகிறார். இந்த படத்தை தற்போது RC16 என அழைத்து வருகின்றனர். இந்த படத்தில் கதாநாயகியாக ஜான்வி கபூர் இணைந்துள்ளார். இசைப்புயல் ஏ ஆர் ரஹ்மான் இசையமைக்கிறார்.
இந்நிலையில் திடீரென்று இந்த படத்தில் இருந்து ஏ ஆர் ரஹ்மான் விலகிவிட்டதாக தகவல்கள் பரவின. சமீபத்தில் சூர்யா 45 படத்தில் இருந்தும் ரஹ்மான் விலகினார். அதனால் இந்த தகவலும் உண்மையாக இருக்குமோ என ரசிகர்களால் நம்பப்பட்டது. ஆனால் இந்த தகவலை மறுத்துள்ளது தயாரிப்பு நிறுவனமான மைத்ரி மூவி மேக்கர்ஸ். பரவி வரும் தகவல் வெறும் வதந்திதான் என மறுத்துள்ளது.
