வாத்தி இயக்குனரின் அடுத்த படத்தில் ஜி வி பிரகாஷ்! படக்குழு அதிகாரப்பூர்வ அறிவிப்பு!
தமிழ் மற்றும் தெலுங்கில் தனுஷ், சம்யுக்தா மற்றும் சமுத்திரக்கனி நடிப்பில் கடந்த சில மாதங்களுக்கு முன்னர் ரிலீஸான திரைப்படம் வாத்தி. இந்த படத்தை தெலுங்கு இயக்குனரான வெங்கட் அட்லூரி இயக்கி இருந்தார். கலவையான விமர்சனங்களை பெற்றிருந்தாலும் இந்த படம் வசூலில் குறைவைக்கவில்லை.
இதையடுத்து வெங்கட் இயக்கும் அடுத்த பேன் இந்தியா படத்தில் துல்கர் சல்மான் நடிக்க உள்ளார். இந்த படத்தின் அதிகாரப்பூர்வ அறிவிப்பு சமீபத்தில் வெளியானது. இந்த படத்தை சித்தாரா எண்டர்டெயின்மெண்ட் மற்றும் பார்ச்சூன் ஃபோர் சினிமா ஆகிய நிறுவனங்கள் இணைந்து தயாரிக்கின்றன. இந்த ஆண்டு இறுதியில் தொடங்கி அடுத்த ஆண்டு கோடை விடுமுறைக்கு இந்த படம் ரிலீஸ் ஆகும் என சொல்லப்படுகிறது.
இந்நிலையில் இந்த படத்துக்கு இசையமைப்பாளராக ஜி வி பிரகாஷ் ஒப்பந்தம் ஆகியுள்ளார். இந்த கூட்டணியில் உருவான வாத்தி படத்தில் பாடல்கள் மிகப்பெரிய அளவில் வரவேற்பைப் பெற்றது குறிப்பிடத்தக்கது.
